Fallah

فله..ولعب سلّه
 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 الغـــــــــيرة وماتسوي

اذهب الى الأسفل 
كاتب الموضوعرسالة
بنت الهاواي
Admin
avatar

انثى عدد الرسائل : 114
الهوايات : التميصل على اللي اوب رايقين
تاريخ التسجيل : 28/02/2008

مُساهمةموضوع: الغـــــــــيرة وماتسوي   الجمعة أبريل 04, 2008 3:56 pm

هذي قصه كانت امي كل ابو دايم تقصها علينا بس عاد انواع الطمرات عندها مستحييل تجيب شي كامل اووما تقص من القصه لدواعي امنيه ولادواعي اجتماعيه الزبده .. لقيت هالقصه ولطشتها لكم وتراها قصه حقيقيه احقق شي Smile

فيه واحد ماله الا وخيتن وحده << براويه اخرى اخت وحده ويغليها مايشوف ولا يرى غيرها
وهو متزوج ولكن مانقص غلا اخته عنده عقب مااعرس
لان ابوه وامه توفوا وهم صغار ومن طلع على الدنيا وهو مايشوف الا وخيته وكبر غلاها مع الايام
لكن زوجته ماهوب عاجبها اللي يصير
تغار ليه زوجها يغلي اخته وهي مجحوده وبدت تفكر وشلون تزحلق اخته ويفضى لها الجو مع زوجها
جتها فرصه على طبق من ذهب واستغلتها راح زوجها للحج وبقت هي واخته وقامت تفكر وش تسوي في اخته
قالت لها ومسويتن فيها ملامح بريئه وهي ام الخبث واللعانه
قالتها لها انتي تحبين اخوتس وتغلينه صح
قالت ايييه والله مالي في هالدنيا غيره لو اذبح عمري على شانه ولا يمسه البلا
قالت طيب ابلعي هالبويضتين << بيضتين ولا تقرشينهن لو ان انكسر وهي بفمتس بيصير بـ اخوتس بلا وكانها سقطت في بطنتس امورتس طيبه ويرجع لتس سالم من الحج اخوتسس ولا به الا العافييه
[grade="DC143C DC143C DC143C DC143C DC143C"]((الخبيثه جايبتن لها بيضة حيّه وبيضة غراب وبلعتهن المسيكينه وبقن في بطنها )))[/grade]
وعقب فتره البيض كل ماله يكبر في بطنها
رجع اخوها من الحج
وجته مرته وقالت تعااال مادريت وش صار شفت هالملعونه وش سوت فضحتنا وكشفت سترنا وسودت وجهك
قال وش فيه قالت اختك حامل
قال اعقبببببببببببببببببببي يالخاسيه اختي ماتسوي هالسوايا
قالت انا اقولك ماريتها
قال وش هي ؟
قالت خلها تفليك بالقايله واذا قالت لك ذبحتنا الشمس توديك للضلال واذا راحت للضلال قالت ذبحنا البرد خلنا نروح للشميسه
قال والحكمه ؟
قالت توحم ولا تداني لا الضلال ولا الشمس
اخوها دارت بها الدواير وضاقت به الوسيعه وراح لها كما الريح يبي يتوكد من السالفه وهو يدعي يالله عساها ماتكون صدز
وراحوا وصار اللي قالت له زوجته صدز
درى ان اخته حامل
وجلس هو وزوجته << ملعونة الجدف يفكرون وش لون يتخلصون منها ويقلعون مداها باللي هي به
قالت له ان خليناها هنا كبر بطنها وجابت لنا الفضيحه لكن اذبحها وفكنا من شرها
الدلخ صدق وقال مالها الا تسذا موتتها حلال
راح يم اخته وجلس عندها وهو مبتسم << وجه اللي به بلا ويرقع
قال ماودتس نروح نقنص ؟؟ وهي كـ عادتها ماترد له طلب
قالت يالبيه نروح للي تبي وراحوا للبر وهو ناوين ذبحها وهم بالطريق ويتذكر سوالف قبل هو وياها وشلون تربوا جميع والايام اللي راحت وهو معها ووصية ابوه وصار شريط ينعاد في دماغه << جعله الفضخ وهو ناوي انه يذبحها ليا نامت
انكسر خاطره عليها وقال اجدعها ابرك من ذبحها
ويوم حل عليهم الليل نامت البنت وهي شكت بالوضع حست ان اخوها ناوين عليها نيتن شينه ويوم ناموا وهي تربط شماغه برجلها على شان مايسري ويخليها النذل قليل المروه
يوم شاف ان البنت نامت وهو يقطع شماغه وينحاش ويخليها لحاله بالبراري حسبي الله عليه (لحضه بصيح)
قامت البنت واتلفت تدور اخوها يااخوي وينك ياشقيقي ياعضيدي وتشوف رجلها الا الشماغ مقطوع وتقوم تبتسي
وتصيح واحسافه ليه انا وش سويت لك ياوخيي



سنعت نفسها البنت واعتاشت منا ومنا دبرت نفسها ومرت الايام عليها وولدت
وجابت حيـّــه و غــــراب

الحيّــه دايم حولها وتلفلف عندها تحميها ولا يقرب احد حولها امها قامت تفح عليه << الحيوان ارحم من اخوها

والغـراب يصيد لها من الارانب والطيور ويجيب لاأمه ((( واششششششششيب عيني ياسبحان الله )))

وبقت مع عيالها ماخلوها الحيه حولها والغراب يدور لها اكل
كبر الغراب وحست انه يعتمد عليه يعني رجال في وقتنا
قالت ياوليدي رح دور خالك وهذا شماغه شم ريحته ودوره << من الوفا الشماغ ماقطته شايلته
قال ابشششششري اجيبه لتس اللحين احووم منا ومنا لين القااااااااااااااه
الغراب كل ماشاف له احد نزل له وقام يحوم عليه يشم ريحته هو خاله ولا لا
ويلقى اكا الرجال يذبح له خروف ويقرب له ويشم الا والله هذي ريحة خاله قليل الخاتمه
وينتف من شعره
ويوم راح خاله ويغر الشماغ بالدم على شان يتبعه خاله ويتبع اثر الدم
وشين الحلايا ماتبع الغراب
راح لربعه ويقول فيه غراب يحوم علي ولا ادري وش قصته وصار الغراب كل يوم يحوم حولهم ورجع لاامه قال يمه لقيته لكن شكله مهوب يمي ساحبن علي مايرد والاشارات مانفعت وش السواة غريت الشماغ بالدم قلت يمكن تبعني
وهو ولا هو هنا
نتفت من شوشته وقلت يمكن يفهم لكن سطل مايدري وين الله قاطه

قالت شف ياوليدي خذ هالبيت وليا شفته قلها له اغديه يفهم
قال سمي

ياخــــــــــــالنـــــــــــــا ياالطنـــــقــــره ,, يابيــــــــّــــــاع اختـــــــــــه بالمــــــــــره

الطنقره = زلابه


راح خاله لربعه وقالهم يالربع السالفة كذا وكذا وش الدبره علموني وش يبي مني هالغراب اللي متولجني
قالوا ليا شفته اتبعه واغديك تفهم هذا يبي منك شئ وشيّن كايد لكن الحقه وشف وش السالفه
وجا الغراب وقام يحوم على راس خاله
تبعه خاله وقام يمشي وراه لين وصلوا مغـاره
لقى حيــّــه عند باب المغــاره
ويوم شافته الحيــه وهي تلتف عليه تبي تـاكله
طلعت ام الحيــّـه قالت سعيده سعيده هذا خالتس وانا امتس
سعيده << الحيــّه
تركته الحيــّــه وقامت تفح من الفرررحه والغراب فوق المغاااره يحوم من الوناسه خالهم رجع
اخـوها طاح حنكه من كثر ماهو فاقن خشته من هول الصدمه
وتعلمه السالفه كلها
ودرى انا اخته مضلووووووومه << وش عقبه يالتسلب .


قال وانا اخوتس والله لااخذ حقتس راجعن لتس عندي شغيله مبطي لازم اني انهيها بروح اخلصها واجيتس

وراح لزوجته الا تغسل شعرها وتطالع فيه قالت هلا هلا قلط بزيّن لك القهوه
قال انا اللي ابي ابل تسبدي بها جيبيها بس
ويوم جابت القهوه وهو يكبها على النار ويثور قال ياتسلببببببببببه ياملعونة الخيّر تتهمين اختي بشرفها وفرقتينا وخليتها بالبر كله منتس
لكن ان كان فيه احد يستاهل الذبح هو انتي قال علميني وش سويتي بها ؟؟؟
قالت له السالفه انها عطتها بيضة حيـّه وبيضة غراب على شان يكبر بطنها وتظن انها حامل وتذبحها
لانك تغليها اكثر مني
قال الموت اللي يغليتس
قال خذيها وانا ولد ابوي وذبح مرته
ورجع لااخته ورجعت ايامهم الاوله
وقال ياخوتس اذبحي عيالتس وانا اكفيتس عنهم
قالت معصصصصصصصصصصي هذولا اللي عزوني وحموني بغيابك
رضخ اخوها للامر الواقع وعاش اخوها وهي وسعيّده والغراب وعاشوا عيشه هنيّه
وسلامتكم
تراها صدقيـــه اللي يقول نصــب ابي افقع وجهه


_________________
فلها وربك يحلها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
As You Need
Admin
avatar

انثى عدد الرسائل : 165
تاريخ التسجيل : 28/02/2008

مُساهمةموضوع: رد: الغـــــــــيرة وماتسوي   الجمعة أبريل 04, 2008 7:47 pm

الموضوع مو إذا القصه صدق وإلا خيال...
أبي أعرف وش كانت أمك تقص منها؟؟ أشوف القصه عاديه : خخخ :
المهم..
تسلم يدك على هالقصه..اللي ماقد سمعتها ولاقريتها..وماكنت أعرف إلا البعروص والقمله ونسيتها..الله يرحم جدتي (م) رحمه واااسعه..هي اللي كانت تقص علينا البعروص والقمله : دموع :
يمكن ذا آخر رد من غير شر لأن الإشتراك بيخلص وشكل أبوي ماله نية تجديد إلا عقب أسبوعين...
لاتحشون وأنا مو موجوده...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://falla8.ahlamountada.com
ام عبدالرحمن

avatar

انثى عدد الرسائل : 107
تاريخ التسجيل : 07/03/2008

مُساهمةموضوع: رد: الغـــــــــيرة وماتسوي   الجمعة أبريل 04, 2008 8:23 pm


’’


لا القصه باين انها صدق
بس تبين الصراحه يوم وصلت النص
تقريباااا يوم تجيب عيالها تحسسسسسسسسسسفت اني قريتها lol!

بس انا متأكده انها صدق متأكددددددددده

::

يسلمو بنت الهاواي
ننتظر القصه الجايه : داج :


’’
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت الهاواي
Admin
avatar

انثى عدد الرسائل : 114
الهوايات : التميصل على اللي اوب رايقين
تاريخ التسجيل : 28/02/2008

مُساهمةموضوع: رد: الغـــــــــيرة وماتسوي   السبت أبريل 26, 2008 5:00 pm

As You Need كتب:
الموضوع مو إذا القصه صدق وإلا خيال...
أبي أعرف وش كانت أمك تقص منها؟؟ أشوف القصه عاديه : خخخ :
المهم..
تسلم يدك على هالقصه..اللي ماقد سمعتها ولاقريتها..وماكنت أعرف إلا البعروص والقمله ونسيتها..الله يرحم جدتي (م) رحمه واااسعه..هي اللي كانت تقص علينا البعروص والقمله : دموع :
يمكن ذا آخر رد من غير شر لأن الإشتراك بيخلص وشكل أبوي ماله نية تجديد إلا عقب أسبوعين...
لاتحشون وأنا مو موجوده...

ترا ماحشيينا وانتي اووب موجوده
وامي تقص لضيق الوقت
قايلتن لتس امي زي السعووديه بالضبط \

والبعرووص والقمله حلووه
ان شاء الله ابقصها عليكم : داج :

ونووورتي موضووعي : قلب :

_________________
فلها وربك يحلها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت الهاواي
Admin
avatar

انثى عدد الرسائل : 114
الهوايات : التميصل على اللي اوب رايقين
تاريخ التسجيل : 28/02/2008

مُساهمةموضوع: رد: الغـــــــــيرة وماتسوي   السبت أبريل 26, 2008 5:02 pm

ام عبدالرحمن كتب:

’’


لا القصه باين انها صدق
بس تبين الصراحه يوم وصلت النص
تقريباااا يوم تجيب عيالها تحسسسسسسسسسسفت اني قريتها lol!

بس انا متأكده انها صدق متأكددددددددده

::

يسلمو بنت الهاواي
ننتظر القصه الجايه : داج :


’’


اييه صدقيه \
انا اصلا مااقول الا شي صدقي :  l :

وقصتي الجاايه في الطريق : كيفي :

نورتي موضوعي يابطه : قلب :

_________________
فلها وربك يحلها

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الغـــــــــيرة وماتسوي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Fallah :: :. الأقسام الأدبية .: :: القصص والروايات-
انتقل الى: